Xogando ás cartas

Aos dragóns (que nós coñecemos) gústallés xogar ás cartas.
A nós tamén. Trouxemos diferentes barallas e aprendimos diferentes formas de xogar...

Ovos de dragón

Outro día quixemos comer ovos de dragón, así que cada neno e nena trouxo un ovo cocido que cascamos primeiro e logo deixamos durante un tempo en auga con colorante culinario e quedaron así..

Proxecto dragóns

E por fin, chegou o día no que os volcáns entraron en erupción e fixemos unha pequena festa.
Todo saíu coma estaba previsto..

Proxecto dragóns

Unha vez que secaron os volcans, pintámolos e quedaron preparados para unha erupción inmediata.. :)

Aniversarios novembro

No mes de novembro estivo Lara de aniversario e trouxo un pastel diferente que estaba riquísimo.. :))

Proxecto dragóns

Aos dragóns gústanlles agacharse nos volcáns. No noso país de dragóns no pode faltar algún, así que decidimos facer algúns e puxémonos mans á obra.
Fixemos bolas de papel de periódico que fomos pegando arredor de unha botella dándolle forma. Logo cubrimos con barro e quedaron como se ve nas fotos.
Esperamos a que seque o barro para pintalos...

Proxecto dragóns

A profe Raquel tróuxonos a lenda de san Xurxo e nós, aquí, temos a coca de Redondela e a coca de Betanzos que tamén veremos no proxecto.
Polo momento aí queda a foto de Alejandro, todo garboso, presumindo da súa camiseta de dragón :)

O Magosto

O venres as xoaniñas trouxemos un puñado de castañas ao cole e subimos á aula onde facemos o obradoiro de cociña e contamos as castañas, repartimos e puxémolas no forno coidando de non queimarnos.
Aprendimos a facer cornetes, comemos e as que sobraron levámolas para á casa.
Benvido magosto... ata o ano que ven!!!

Proxecto dragóns

O mesmo tempo que celebramos as festas do outono, estamos a traballar sobre o proxecto dos dragóns.
Estamos recollendo información e aportando materiais porque decidimos montar o país dos dragóns.
Polo momento xa temos o castelo dos dragóns, a cova onde teñen secuestradas ás princesas e os seus tesouros, así como outra cova onde gardan as barallas de cartas ás que tanto lles gusta xogar.

Festas do outono

A semana pasada estivo moi completa e fixemos un feixe de actividades.
Con plastilina representamos cada unha das festas do outono que traballamos.
A vendima, as buxainas, o samaín, o magosto, os cogomelos.
Deixamos un oco valeiro porque a última festa que celebramos no cole, rematando o outono e dando a benvida ao inverno, é o nadal.
E así quedou a cousa...