A casa de dona Lisa

Día do amor en Galicia, a Candeloria

2012-02-12T13:07:00.006+01:00

O día 2 de febreiro é o día do amor en Galicia. O día da Candeloria.
É unha festa con raices ancestrais que como tantas celebracións da cultura galega vanse deixando de lado por outras máis recentes pero non tan belas.
Este día é cando casan os paxariños e nós tivemos a sorte de recibir unha invitación para esas bodas.
Presentáronsenos dous problemas. Tiñamos que saber voar e o outro era que non podiamos asistir a todas as bodas ao mesmo tempo e quedar mal con uns e con outros.
Así que decidimos, a través do gran paxaro carteiro, mandárlles unha carta, que deixamos no patio do cole, de todas as xoaniñas desexándolles unha gran felicidade para sempre cos seus vindeiros paxariños e disculpándonos por non poder asistir.
Pero a cousa non acabou aí... nós tamén celebramos unha boda no cole.
Viñemos vestidos para a ocasión e ata se apuntaron os nenos e nenas de 4 anos coa profe Rosana.
Rematamos a festa comendo vermiños pero non como os que comen os paxaros senon de lambonada.

As cores do inverno

2012-02-12T12:29:00.006+01:00

Estamos na estación do inverno e entre proxecto e proxecto imos facendo cousiñas da estación.
Traballando as cores do inverno lembramos o conto de OQO Os mil brancos dos esquimós e pensamos en facer un mural na nosa aula.
Recortamos papeis e pegamos, coloreamos algúns debuxos e, ainda que o mural vai collendo forma, falta rematalo.

Cerimonia de nomeación

2012-02-12T12:06:00.004+01:00

Estamos a seguir co proxecto dos castelos e, en particular, coa torre do homenaxe.
Así que nada mellor que celebrar a cerimonia de nomeamento de cabaleiros e cabaleiras.
Xa podemos montar todos e todas a cabalooo!!! :))

;

Aniversarios xaneiro

2012-02-12T11:57:00.003+01:00

No mes de xaneiro estiveron de aniversario Nicolás e Miguel.
Xa teñen 6 anosss... ai! que dentro de pouco xa están en primaria!! :))

Os castelos

2012-02-12T11:42:00.004+01:00

O mes pasado comezamos a preparar o proxecto dos castelos case como unha continuación ao proxecto dos dragóns.
O primero que fixemos foi unha posta en común do que sabiamos dos castelos e a profe Raquel foi anotando na pizarra.
A conclusión quedou en que coma xa sabemos moitas cousas, temos que profundizar máis no tema recreando as súas formas de vida e tamén aprender novo vocabulario daquela época.

A Paz

2012-02-12T10:56:00.007+01:00

Este ano para celebrar o día da paz e non violencia, estivemos a traballar en conceptos do día a día como: falar e escoitar, construir, axudar, xogar, animar, compartir, abrazar, dar, colaborar e fomos facendo fotos de momentos que nalgún momento suceden no contorno do colexio.
Fixemos un libriño con fotos destes momentos e decoramos un cartel da paz que logo levamos para a casa.
Tamen fixemos un mural coas fotos das nenas e nenos de infantil nalgunha acción que traballamos.

A colección de galletas

2012-01-28T10:39:00.012+01:00

Estivemos a ler o conto "A colección de galletas" de Editorial Linteo.
Encantounos a súa colección.. galletas de piratas, galletas da mañá, galletas de bicos, galletas secretas...
Coa colaboración dos pais, pensamos en facer a nosa propia colección e quedaron asi... linguas de gato, ratos, casiñas, hello cakes, cariñas ledas, ourizos, bonecos de neve,
de debuxos, galletas sen mais.. :))
Para todos os gustos!!

Compartindo xoguetes

2012-01-28T10:05:00.006+01:00

Despois das vacacións de nadal, celebramos o día do xoguete traendo cada un á clase un xoguete para explicar como funciona e compartir cos demais.
Foi unha maña moi entretida e aproveitada... :))

Nadal IV

2012-01-03T16:02:00.003+01:00

E para rematar, tivemos a visita de Papá Noel que trouxo un pequeno agasallo ás nenas e nenos.. :))

Nadal III

2012-01-03T15:53:00.003+01:00

O derradeiro día de colexio, as nenas e nenos de infantil trouxeron da casa bocadillos e algunhas lambonadas co que fixemos unha pequena festa no corredor. Estaba todo riquísimo... ou non? :)

Aniversarios Decembro

2012-01-03T15:45:00.002+01:00

No mes de decembro estiveron de aniversario, Hugo, Miriam e Raúl.
Lucían unhas coroas moi chulas que fixemos entre tod@s e pasámolo así de ben..

Nadal II

2012-01-03T15:14:00.004+01:00

Ao longo dos días antes das vacacións fixemos os murais para decorar o corredor.
O Apalpador, a Árbore, Os Reis, Papá Noel e cada día o encargado/a correspondiente poñía unha pucha de Nadal..

Nadal

2012-01-03T15:04:00.002+01:00

O Nadal ía chegando á escola e comezou pola decoración.. :))

Postais Nadal

2012-01-03T14:55:00.003+01:00

Preparando as postais de Nadal..

Xogando ás cartas

2011-12-31T17:24:00.004+01:00

Aos dragóns (que nós coñecemos) gústallés xogar ás cartas.
A nós tamén. Trouxemos diferentes barallas e aprendimos diferentes formas de xogar...

Ovos de dragón

2011-12-31T17:07:00.004+01:00

Outro día quixemos comer ovos de dragón, así que cada neno e nena trouxo un ovo cocido que cascamos primeiro e logo deixamos durante un tempo en auga con colorante culinario e quedaron así..

Proxecto dragóns

2011-12-31T16:54:00.003+01:00

E por fin, chegou o día no que os volcáns entraron en erupción e fixemos unha pequena festa.
Todo saíu coma estaba previsto..

Proxecto dragóns

2011-12-31T16:37:00.004+01:00

Unha vez que secaron os volcans, pintámolos e quedaron preparados para unha erupción inmediata.. :)

Aniversarios novembro

2011-12-31T16:16:00.003+01:00

No mes de novembro estivo Lara de aniversario e trouxo un pastel diferente que estaba riquísimo.. :))

Proxecto dragóns

2011-11-27T21:04:00.005+01:00

Aos dragóns gústanlles agacharse nos volcáns. No noso país de dragóns no pode faltar algún, así que decidimos facer algúns e puxémonos mans á obra.
Fixemos bolas de papel de periódico que fomos pegando arredor de unha botella dándolle forma. Logo cubrimos con barro e quedaron como se ve nas fotos.
Esperamos a que seque o barro para pintalos...

Proxecto dragóns

2011-11-20T12:40:00.007+01:00

A profe Raquel tróuxonos a lenda de san Xurxo e nós, aquí, temos a coca de Redondela e a coca de Betanzos que tamén veremos no proxecto.
Polo momento aí queda a foto de Alejandro, todo garboso, presumindo da súa camiseta de dragón :)

O Magosto

2011-11-13T17:27:00.006+01:00

O venres as xoaniñas trouxemos un puñado de castañas ao cole e subimos á aula onde facemos o obradoiro de cociña e contamos as castañas, repartimos e puxémolas no forno coidando de non queimarnos.
Aprendimos a facer cornetes, comemos e as que sobraron levámolas para á casa.
Benvido magosto... ata o ano que ven!!!

Proxecto dragóns

2011-11-13T16:06:00.004+01:00

O mesmo tempo que celebramos as festas do outono, estamos a traballar sobre o proxecto dos dragóns.
Estamos recollendo información e aportando materiais porque decidimos montar o país dos dragóns.
Polo momento xa temos o castelo dos dragóns, a cova onde teñen secuestradas ás princesas e os seus tesouros, así como outra cova onde gardan as barallas de cartas ás que tanto lles gusta xogar.

Festas do outono

2011-11-13T15:10:00.008+01:00

A semana pasada estivo moi completa e fixemos un feixe de actividades.
Con plastilina representamos cada unha das festas do outono que traballamos.
A vendima, as buxainas, o samaín, o magosto, os cogomelos.
Deixamos un oco valeiro porque a última festa que celebramos no cole, rematando o outono e dando a benvida ao inverno, é o nadal.
E así quedou a cousa...

Aniversarios outubro

2011-11-02T20:20:00.005+01:00

No mes de outubro estiveron de aniversario Lorena, Miguel, Mar, Isaac e Alejandro.
Trouxeron unha tarta riquísima e cantamos o parabens.. :))

Os morcegos

2011-11-01T16:04:00.004+01:00

O venres fixemos as nosas coroas de morcegos e estabamos así de guapos..

As cabazas

2011-11-01T15:44:00.002+01:00

E coma todos os anos, as nenas e nenos de infantil, en colaboración cos pais e nais, trouxeron unhas cabazas espectaculares.. :))

Contacontos de bruxas

2011-10-30T12:11:00.006+01:00

O xoves celebramos o Samaín na aula e poidemos escoitar un conto de meigas que nos contou a mamá de Candela, moi ambientada para a ocasión.
Despois, moi disfrazados de Samaín, comemos a nosa merenda..

Froitos secos e froitos carnosos (II)

2011-10-30T11:48:00.003+01:00

E así quedou o mural do outono e a pequena exposición de froitos variados...

Froitos secos e froitos carnosos

2011-10-18T20:05:00.004+02:00

Hoxe estivemos a pintar unha das árbores no mural do outono.
As nenas e nenos decoraron esta fin de semana, cos seus pais na súa casa, diferentes froitos secos e carnosos que pegaremos no mural.
Pouco a pouco imos montando a nosa festa de outono...

Cogomelos no cole

2011-10-12T13:10:00.003+02:00

Esta semana, ao pé dunha árbore, atopamos cogomelos no patio.
E aproveitamos para saber cousas sobre eles.

Aniversarios de setembro

2011-10-11T11:29:00.005+02:00

Como todos os anos celebramos os aniversarios. En setembro teñen o seu día Jennifer, Sergio, Brais e Candela.
Parabens!

Benvida ao novo curso 2011/2012

2011-09-22T18:16:00.003+02:00

Comezamos un novo curso, o último ano da etapa de infantil e as xoaniñas están cheas de ganas por aprender, experimentar e disfrutar.
Fixemos unha visera para protexernos destes bos días de sol.

Aniversarios de verán

2011-07-04T15:05:00.006+02:00

No mes de xuño celebramos todos os aniversarios do alumnado que cumpre nos meses de verán.
Así nos xuntamos co aniversario de Candela V., Julia, David, Laura, Aitor e Noa.
Parabens para todos e todas!!!

O Pazo de Lourizán

2011-07-04T14:52:00.003+02:00

Por mor da celebración do Ano Internacional dos Bosques e porque o traballamos ao longo do curso, eliximos como excursión de fin de curso, o Pazo de Lourizan.
Tocóunos un día de choiva pero aguantamos como campións ata que finalizou a visita.
Aquí vos deixamos algunhas fotos...

Simulacro

2011-07-04T14:44:00.003+02:00

O día 3 de xuño tivemos no colexio un simulacro de evacuación no que soaron as alarmas, saimos polas portas de emerxencia e viñeron os bombeiros.

Aniversarios maio

2011-07-04T14:37:00.003+02:00

No mes de maio estivo de aniversario Carlos e celebrámolo con unha festa como a que vedes...

Letras Galegas 2011

2011-07-04T14:26:00.005+02:00

Despois de aprender un feixe de cousas sobre Lois Pereiro, celebramos con todo o alumnado do colexio, o día das Letras Galegas.

A Pontevedra

2011-07-04T13:46:00.003+02:00

Aproveitando que fomos a Pontevedra a ver unha obra de teatro, visitamos a alameda e de paso comemos a merenda que nos prepararon as nosas nais e pais.

As tics

2011-07-04T13:45:00.001+02:00

Antes de rematar as actividades coas tics, que fixemos ao longo do curso, as xoaniñas quixeron ser retratadas en plena faena.

Levántate maio

2011-05-08T09:19:00.007+02:00

As nenas e nenos de infantil fixemos un maio de papel que quedou asi de xeitoso e cantámoslle a canción:

Levántate maio
que tanto dormiches,
pasou o inverno
e non o sentiches.
O maio maiado,
o maio do sol,
o maio das flores,
o maio do amor.
E veñen os maios
un ano tras outro
e as árbores todas
cheiñas de froito.

Parabens Marcos

2011-05-07T12:08:00.004+02:00

Marcos cumpliu cinco anos no mes de abril e quixo invitarnos ao seu aniversario. Así o celebramos...

Que hai alá arriba?

2011-05-01T13:33:00.003+02:00

Outra das actividades que tivemos no cole antes das vacacións, foi a visita dun planetario para lembrar todo o que aprendimos cos proxectos do universo.

Viaxe ao mundo das abellas

2011-05-01T13:17:00.003+02:00

A última saída que fixemos as nenas e nenos de infantil foi a Apípolis.
Foi todo un día de experiencias novas, de diversión e alguns medos pero superados con éxito...
Aquí deixamos algunhas fotos :)

Educación vial

2011-03-30T16:04:00.008+02:00

Como todos os anos, esta semana estivemos no colexio lembrando e aprendendo cousas novas de educación vial. Aí quedan algunhas fotos das xoaniñas en bicicleta..

Abraham Carreiro

2011-03-28T16:28:00.002+02:00

As xoaniñas tamén estivemos con Abraham Carreiro para aprender a facer debuxos e crear presonaxes.

As formas de cores (III)

2011-03-28T16:12:00.003+02:00

Despois dalgún tempo rematamos o mural das formas de cores.
Quedou así de bonito..

A xoaniña andeira

2011-03-20T10:03:00.008+01:00

O próximo proxecto que imos traballar é o das xoaniñas.
Que mellor que comezar con un poema de Xosé Neira Vilas, "A xoaniña andeira"

Sobre o lombo do regueiro
navega unha xoaniña
nunha folla de salgueiro.

Vaise do eido nativo.
Quere ter diante dos ollos
paisaxes que nunca tivo.

Dende o intre que embarcou
sente unha fonda morriña
do prado onde se criou.

Mentres deixa atrás o val
vai dicindo polo baixo.
"volverei o salgueiral".

E unha mañá raioleira,
por entre vimbios e fentas
voltou a xoaniña andeira.

Contacontos

2011-03-15T19:46:00.003+01:00

Hoxe tivemos contacontos!!!
Estivemos atentos e participamos moito para que quedara máis bonito o conto. :))

Estivemos de Entroido

2011-03-15T14:53:00.009+01:00

E estabamos así de vagalumes!!!

O vagalume

2011-02-24T11:09:00.008+01:00

O entroido vai asolagando todas as escolas e a nosa non podía ser menos.
Aproveitando que estamos no ano internacional dos bosques, ese é o tema que escollimos para disfrazarnos.
Os nenos e nenas de infantil puxémonos de acordo e iremos de vagalumes.
O martes pola tarde estiveron nais e avoas axudando a debuxar, cortar e coser os patróns.
Xa o temos todo preparado, pero...

Qué sabemos dos vagalumes tamén chamados lucecús, vellas do caldo, ferriños, lucerlas...?
Pois que é un insecto dunha familia de coleópteros, que hai máis de 2.000 especies e que é fácil topalos preto de zonas húmidas de pantanos e rios pola noitiña.
Teñen duas antenas longas e articuladas, dous élitros, seis patas e o tórax case lle tapa a cabeza e comen caracois e lesmas.
E que no último segmento do abdome emiten unha luz brillante e intermitente debido á oxidación da proteina luciferina.
A maioria dos vagalumes que emiten luz son femias que queren atraer aos machos.
Ultimamente estase a notar un notable descenso de vagalumes debido ao exceso de luz artificial por zonas que o home vai humanizando e que fai que os machos se desorienten e non poidan fecundar as femias.

O pingüín emperador

2011-02-17T11:59:00.004+01:00

Estamos xa a rematar o proxecto dos pingüíns emperador.
A semana pasada estivemos a facer a roda do ciclo da súa vida.
Primeiro pintamos, despois recortamos e logo pegamos.
E quedóunos unha tarxeta interactiva co ciclo da vida moi xeitosa. :))

As formas de cores (II)

2011-02-07T16:49:00.003+01:00

Continuamos decorando o mural das formas.
O venres tocóulle aos cadrados. Debuxámolos, recortámolos e pegámolos no mural.
A seguinte forma será o triángulo e intentaremos complicalo un pouco máis.

Día escolar da paz e non violencia

2011-02-01T15:57:00.005+01:00

Onte, por fín, poidemos celebrar a marcha pola paz ao longo da praia da Lanzada.
Viñeron con nós algúns pais e nais e celebrámolo ben celebrado.

A nosa pomba da paz

2011-01-26T17:30:00.003+01:00

Nesta semana tamén estivemos a decorar a nosa pomba da paz que levaremos mañá na marcha pola paz con todo o cole.
As xoaniñas fixeron as plumas, escribiron detrás unha palabra relacionada coa paz e rematámola pegando estrelas..

Pastas de marmelada

2011-01-26T17:28:00.001+01:00

Para ver a receita que fixemos hoxe no obradoiro de cociña e fotos de como o facemos, hai que premer na imaxe...

As formas de cores

2011-01-26T16:31:00.003+01:00

Estamos a decorar un mural do corredor con formas xeométricas.
Comezamos polo círculo e despois de pintalos, pegámolos.
Nos próximos días seguiremos con cadrados e triángulos...

Aniversarios xaneiro 2011

2011-01-26T16:19:00.003+01:00

Hoxe celebramos os aniversarios de Nico S. e Miguel V.
Cumpriron 5 anos!! Os máis maiores da clase!!
Parabens aos dous.. :))

Pop-ups

2011-01-23T22:23:00.005+01:00

Fabían é un profe licenciado na facultade de Belas Artes de Pontevedra.
El veu ao cole a aprendernos como se fai un pop-up e enxeñounos algún dos seus traballos.

Primeiro coloreamos a xoaniña que nos deu Fabián.

Despois recortamos e pegamos...

Por último, na aula fixemos a portada da nosa postal pop-up

Obradoiro de cociña

2011-01-19T18:15:00.007+01:00

Para ver as receitas que facemos nos obradoiros de cociña e fotos de como o facemos, hai que premer na imaxe...

Os pingüíns e animais polares

2011-01-19T16:31:00.003+01:00

Comezamos a traballar no proxecto dos pingüíns e outros animais polares.
Pouco a pouco as xoaniñas traen da casa todo tipo de información e recursos relacionados co tema co que iremos conformando o mural da aula e aprendendo un feixe de cousas..

A volta

2011-01-12T15:25:00.004+01:00

Xa estamos de volta!!
Os nenos e nenas de infantil pensamos en festexar o día do xoguete traendo á aula o xoguete que quixeramos e explicarlle aos compañeiros e compañeiras como se chamaba, como funcionaba e compartir ao longo da mañá.
Despois fixemos un debuxo dalgún dos xoguetes.
As xoaniñas chegaron cargadas ao cole.
O que máis éxito tivo, e que toda a cativada quixo probar, foi o acordeón de Raúl.
Tivemos que ampliar a información do neno e os profes quedamos encantados coa curiosidade e as ganas que mostraron.. :))

Felices Festas!!

2010-12-28T16:37:00.004+01:00

As xoaniñas despedímonos do ano 2010, desexando a todo o mundo un próximo 2011 cheo de aventuras, fantasía, imaxinación, creatividade, respeto, e agarimo polas nosas cousas, a nosa cultura, o noso país, a nosa lingua...

Brancaneves

2010-12-28T15:20:00.009+01:00

Este ano para o festival de nadal, os nenos e nenas de infantil preparamos o conto de Brancaneves pero en versión musical con coreografía e cancións dos anos oitenta.
Foi un gran éxito e os actores e actrices estiveron espectaculares.. :))

Aniversarios decembro

2010-12-28T15:12:00.004+01:00

No mes de decembro estiveron de aniversario Raúl, Miriam e Hugo.
A torta estaba riquísima..
Parabens aos tres.. :))

Postais de nadal

2010-12-28T15:06:00.004+01:00

Despois de diferentes fases, así quedaron as nosas postais de nadal..

Chocolate

2010-12-11T11:10:00.005+01:00

Para rematar o trimestre, eliximos lembrar conceptos lóxico-matemáticos a través dun conto.
O conto escollido foi "Gústame o chocolate" publicado pola ourensana editorial Ediciones Linteo.
Despois de ler o conto e ver o powerpoint, analizar cada cousa que nos decía, queriamos saber máis cousas e decidimos aportar á aula, alimentos que tivesen o chocolate como algún ingrediente e ao mesmo tempo (aproveitando o turrón de chocolate) enlazar co nadal e tamén revisar os nosos hábitos alimenticios.

Parabens a Esperanza Salnés

2010-12-11T10:12:00.005+01:00

Dende aquí queremos unirnos aos unánimes parabens a Esperanza Salnés polo seu éxito coa obra "Noso Pobo é Fermoso" coa que acadaron o premio nacional sobre educación vial da DGT.
Parabéns polo premio e, por riba de todo, polo traballo que están a facer día tras día.
E moitos bicos e apertas á nosa xoaniña Carlos pola súa participación en dita obra.

Estivemos de aniversario

2010-11-29T17:38:00.003+01:00

Neste mes de novembro estivo de aniversario Lara.
A súa mamá tróuxonos un pastel moi rico e larpeiradas que só nos permitimos unha vez o mes :))

Castañas "super-star"

2010-11-20T16:27:00.001+01:00

Estivemos a corar castañas e cada neno e nena utilizaron as cores que mellor lles pareceu.
Para convertilas en protagonistas da súa festa que mellor que situalas nunha noite estrelada... e así lucen :))

A comer, a comer...

2010-11-20T15:55:00.005+01:00

O xoves pasado estivemos a celebrar o magosto no centro.
Facía frio pero non nos importou pois comemos castañas asadas, froitos secos e despois cantamos, bailamos e xogamos ata que chegou a hora de sair.

2010-11-12T16:48:00.003+01:00

Onte estivemos a facer as bolsas para meter as castañas o día do magosto.
Por mor da choiva tivemos que cambiar a data para o xoves próximo pero xa aprendimos unha poesía para xogar ao corro..

AO CORRO DAS CASTAÑAS
COMERÉMOLAS ASADAS
COMO ASA A CASTAÑEIRA
ELA COME A PRIMEIRA
A COMER! A COMER!
AI QUE CHEO/A ME QUEDEI!

Treboada

2010-11-09T16:15:00.006+01:00

A situación do noso cole é inmellorable con esa praia da Lanzada que nos entra polas ventás saudando e deixando ese recendo a sal.
Pero cando fai mal tempo non se lembra de ninguén e bate na escola por todos os lados.
Hoxe tivemos temporal con treboada incluida.
Estivemos mirando a través dos cristais a choiva, os lóstregos e quedamos en silencio para escoitar os tronos.
Despois falamos da súa orixe e comentamos o conto que xa leramos na aula "Quen lle ten medo á tormenta?
Ninguén tiña medo..

Preparando o magosto

2010-11-08T16:29:00.002+01:00

As xoaniñas (e os demais nenos e nenas de infantil) andamos un pouco liadas entre preparar o magosto e decorar a escola..
Aí vos deixamos unha mostra

Unha festa de medo...

2010-10-29T16:17:00.010+02:00

Onte celebramos no cole a festa do Samaín na que case tódolos nenos e nenas viñeron que metían medo..
Tivemos festa rachada e nalgunha das fotos colóusenos unha enorme "araña" :))

Estas son algunhas das cabazas que nenos e nenas foron traendo ao cole coa axuda dos pais e nais e que queremos agradecer dende aquí a súa colaboración xa que conseguen que as festas sexan máis e máis espectaculares superando cada ano...
(Para ver máis detalles, preme nas imaxes).

Estas son tres cabazas que acadaron premio e aportadas por xoaniñas.

Aniversarios outubro

2010-10-29T16:04:00.003+02:00

O pasado mércores celebramos os aniversarios do mes de outubro.
Estaban de celebración Miguel M., Lorena, Isaac, Alejandro e Mar.
Tivemos unha festa moi completa pois contamos coa actuación do profe José Manuel que nos fixo xogos de maxia e malabares.
Máis tarde rematamos a festa cantando e bailando.

Samaín

2010-10-26T15:02:00.004+02:00

Estivemos a facer a nosa careta de cabaza para o Samaín.
Están a secar e despois faremos as follas de papel pinocho verde.
De seguro que asustaremos a tódolos nenos e nenas do cole.

O Acuario

2010-10-22T18:03:00.004+02:00

Onte xoves, fomos ao acuario do Grove e estivemos a visitar os peixes que alí coidan.
Os nenos e nenas aprenderon un feixe de cousas e poidemos comprobar o poder dos medios audiovisuais pois o peixe que máis lles gustou, foi "Nemo" o peixe pallaso e unha estrela de mar chamada "Patricio"

Babieca

2010-10-19T19:41:00.006+02:00

Hoxe, no recreo, recibimos a visita do Babieca.
Babieca é o cabalo do pai da bolboreta lareta, Miriam. Os nenos estaban abraiados coa visita e ao mesmo tempo tranquilos porque estaban do outro lado da rexa.
Cando se tiña que ir, non se querían despedir do cabalo e foron correndo detrás ao longo do patio.
Ao volver á aula, os cativ@s estaban moi interesados en falar cousas dos cabalos co que estivemos a lembrar cousas e decidimos facer un pequeno proxecto sobre eles.

Cantaxogos

2010-10-18T19:53:00.003+02:00

A semana pasada, xuntámonos todos os nenos e nenas de infantil e fomos a cantar e bailar no escenario co cantaxogos.

Os crebacabezas

2010-10-13T15:29:00.007+02:00

As xoaniñas xogamos tódolos días un anaco aos crebacabezas.
Os crebacabezas son xogos divididos en partes que hai que xuntar para conformar unha figura ou debuxo.
Algo tan sinxelo desenrola varias funcións do cerebro ademáis da atención, análise e síntese.
E sobretodo, traballa as capacidades de razonar, deducir, analizar, ordenar e desenvolver o pensamento e habilidades lóxicas cuxo obxectivo é solucionar o problema plantexado.

Preme na imaxe e poderás facer o puzzle da xoaniña.

Unha visita moi mediática

2010-10-11T14:53:00.008+02:00

O venres pasado Alvaro, outro alumno de cuarto curso e da profe Ana Lisa, trouxo á escola outra mascota que é o proxecto sobre o que están a traballar.
Neste caso era unha coelliña de tres meses que segundo nos dixo, chámase "Sara Carbonero" :)).
Estaba nunha gaiola aínda que na súa casa está, con outros trece, nun cortello e comentóunos que comía herba, mazás, millo moido pero que o que máis lle gustaba era o arroz blanco.
Lembramos os números contando patas, ollos, orellas, rabo...

AQUI, na web da galipedia "O coello na cultura popular galega" pódese atopar refráns, cantigas e curiosidades.

A tartaruga de orellas vermellas

2010-10-06T17:23:00.009+02:00

Carlos é un alumno de 4º de Primaria que ten catro tartarugas na súa casa. Esta mañá trouxo unha á escola e tivo a amabilidade de pasarse polas aulas de infantil a contarnos cousas dela.
Era unha tartaruga de orellas vermellas que están en perigo de extinción. Chámanse así polas duas pintas vermellas que teñen na cabeza.
Revolucionouse a clase e tod@s querían vela de cerca aínda que con certa desconfianza debido ao seu tamaño.
En canto poidemos, fomos á biblioteca a percurar un conto e poidemos ler "A tartaruga que quería durmir".

As pantasmas

2010-10-02T00:13:00.003+02:00

As xoaniñas comezamos a preparar a nosa canción para a festa do Samaín xa que estas cousas teñen que ir con tempo. :)

A canción titúlase "As pantasmas" cuxa letra pódese ler ao premer na imaxe e que se pode escoitar no reprodutor na barra lateral da dereita.

Aniversarios setembro

2010-09-29T16:37:00.005+02:00

Celebramos os aniversarios do mes de setembro.
Estaban de días, Jennifer, Candela, Brais e Sergio.
As nais e pais fixeron unha tarta exquisita de chocolate e lacasitos e uns gardapanos de agasallo para os nenos, nenas e profes.

Rematamos a festa cantando e bailando.

Bolboreta

2010-09-26T14:20:00.006+02:00

Estes días no patio, os nenos e nenas de catro anos estan a atopar moitos pequenos animais de xardín aos que observan e, as veces, ata molestan.
É o aprendizaxe en vivo.
O venres apareceu unha bolboreta branca á que lle fixemos algunhas fotos.

Chamóunos a atención que estivese tan vital no outono.
Investigando un pouco soubemos que é unha bolboreta da col e que é normal atopalas tamén polo setembro.
Na galipedia atopamos información xeral sobre as bolboretas e coa axuda dun debuxo lembramos o ciclo vital das bolboretas.
Quedan pendentes, para facer o luns, os pictogramas para aprender a ler e escribir algunhas novas palabras:

OVOS, EIRUGAS, CASULO, BOLBORETA

O Outono

2010-09-23T19:55:00.013+02:00

Hoxe comeza o outono e as xoaniñas xa estamos a aprender a poesia do outono que pasará a formar parte do noso libro das poesías.

E cómo aprendemos? Con pictogramas.

Cando xa a sabemos, sacamos os textos (que temos en tarxetas) e colocamos debaixo dos pictogramas as palabras correspondentes que imos aprendendo.

As mascotas de infantil

2010-09-13T16:01:00.006+02:00

Hoxe, cada aula de infantil fixemos unha coroa coa mascota da clase.
Tres anos ían de bolboretas, catro anos de xoaniñas e os de cinco anos de abellas.
As nosas xoaniñas quedaron así...

O retorno das xoaniñas

2010-09-10T17:07:00.004+02:00

Primeiro día de cole!!

As xoaniñas esperaban na porta cos seus pais e nais a que soara o timbre para entrar na aula.
As súas cariñas eran de impaciencia e cando xa entraron na clase, tiñan dominado o tema coma auténtic@s campeóns/as.

Comeza o curso

2010-09-08T18:35:00.007+02:00

As xoaniñas xa temos catro anos e, como as xoaniñas de verdade, xuntámonos para pasar o inverno.
Elas, estarán pechadas nunha árbore ata a primavera pero nós.. nós non.
A nosa curiosidade, fantasía, imaxinación, creatividade, ganas de aprender e compartir non nos caben debaixo das ás...
É por iso que intentaremos disfrutar tanto dentro coma fóra da aula, do cole, para conseguilo.

Benvid@s ao noso mundo vermello de pintiñas negras :)

Fin de curso

2010-07-21T16:55:00.004+02:00

E por fin, chegamos ao remate do curso e coido que xa puxemos unha pequena mostra mediante as fotos, das actividades que fixemos ao longo do curso.
No fin de festa, participou un mago que lles encantou aos nenos e nenas e despois do reparto de orlas e cancións, rematou cos profes cantando e bailando para o alumnado (desa actuación non hai fotos)... :))

O Camiño de Santiago portugués

2010-07-21T16:22:00.013+02:00

Estamos en ano xacobeo polo que todo o centro, a través do departamento de normalización lingüística, decidimos coñecer un pouco do camiño de santiago portugués e a cada curso tocóunos unha cidade/etapa do camiño.
Ao rematar o curso fixemos un recorrido, con chapeu de peregrino, polo centro en diferentes etapas para coñecer as outras cidades, levando as credenciais e poder acadar a compostela.

Merenda na praia de Silgar

2010-07-21T16:08:00.004+02:00

Tiña que ser unha xuntanza para algo ou por algo que ao remate non nos quedou claro pero que nós, aproveitamos para merendar e disfrutar pola nosa conta na praia de Sanxenxo.

Educación vial

2010-07-21T13:27:00.003+02:00

Continuando coa campaña que comenzaramos o ano anterior, tivemos o curso de educación vial con videos e despois a posta en práctica...

Aniversarios xuño

2010-07-21T11:26:00.004+02:00

No mes de xuño celebramos tamen os aniversarios dos meses de xullo e agosto para que tod@s tiveran a súa festa.
E celebraron Aitor, Noa, Julia e David...

Os bombeiros

2010-07-21T10:49:00.007+02:00

Neste curso remataron as excursións cunha visita aos bombeiros do Salnés.
Pasáronno en grande e, ao sair, case todos querían ser bombeiros.

Aniversarios maio

2010-07-20T16:45:00.004+02:00

No mes de maio estivo de aniversario Carlos e fixemos unha festa que semellaba un banquete.

A praia

2010-07-20T16:19:00.003+02:00

Aproveitando que o noso colexio está nun lugar privilexiado, como é a praia da Lanzada, e que facía moi bo tempo, invitamos aos pais e nais que viñesen pasar unha tarde de baño con nós.
Foi unha experiencia moi divertida e para repetir en anos vindeiros.

Día das Letras Galegas

2010-07-20T15:48:00.004+02:00

No día das Letras Galegas homenaxeamos a Uxio Novoneyra.
Os nenos de 5 anos colorearon un decorado cun debuxo, dos persoaxes do conto do autor, titulado "Ilda, o lobo, o corzo e o xabarín" e pasamos tod@s por alí para facer a foto aínda que aquí só puxemos unha representación.
Tamén participamos no festival organizado no colexio con motivo da festa.

Aniversarios abril

2010-07-20T15:34:00.002+02:00

E neste mes estivo de aniversario Marcos...